دعم الناجين من الزلزال
طمنا عنك، حقك علينا نكون جنبك:
لما ندعم انسان متضرر، نحن عم نتساعد لنعطيه حقه، ما عم نتفضل عليه. سواء هالمساعده كانت نفسية، اجتماعية، مادية أو معلومات.
إيه عم نرجعله حقه الاجتماعي علينا. الناجين من الزلزال هم ناس كانوا يساعدوا غيرهم أصلاً، بالشمال السوري أو بجنوب تركيا هالمنطقة تحملت بعضها، الناجين من الحرب كانوا رغم كل الويلات يلي تحملوها عم يشتغلوا ويدعموا بعض.
من حق الإنسان علينا نحس فيه ونساعده ونحكيله ياريت تسمحلي ادعمك بالطريقة يلي انت بتشوفها مناسبة.
لما بستأذن من الشخص بعطيه مجال يختار الطريقه، ولما يختار هو بيشعر أنه تم احترام حدوده الإنسانيه من الآخرين بيبدأ يحس بالأمان و يندمج معنا.
طمنا عنك سؤال من القلب، مو فضول و لا تفضلولا لأنه الناس حابين يكفروا عن عقدة الناجي.نقاش اليوم تضمن كيف ما نأذي الناجين بأسئلتنا
